Eä Eru i estaina ná Ilúvatar Ardassë,

ar ónes minyavë Ainur i ner i híni sanweryo,

ar ner yo së nó ilúvë né ontaina.

Ar ten quentes, antala ten lammar lindalëo,

ar lirnentë, ar së né alassëa.

Nan andavë lirnentë ilquen erya

ecar pitya nótessë [sina lúmessë] ar hosta lastainë,

nan ilquen hanyanë minyavë sanwi Ilúvataro

yallon tulles, ar handessë nossento

palyanentë nan úlintavë.

Nan oi lúmessë ya lastanentë, entë tuller antumna

handenna,

ar vanessë lindalento palyane

ar tulles marta sa Ilúvatar tultanë Ainur eryenna

ar quente ten taura lírë pantala ten analt'

ar analcarinquë or ya nó westanes

ar i alcar yesseryo ar i rille mettaryo elyaner Ainur,

yanen cawnentë ar carnentë úlamma..

Ai! laurië lantar lassi súrinen,

Yéni únótimë ve rámar aldaron!

Yéni ve lintë yuldar avánier

mi oromardi lisse-miruvóreva

Andúnë pella, Vardo tellumar

nu luini yassen tintilar i eleni

ómaryo airetári-lírinen.

Sí man i yulma nin enquantuva?

An sí Tintallë Varda Oiolossëo

ve fanyar máryat Elentári ortanë

ar ilyë tier undulávë lumbulë;

ar sindanóriello caita mornië

i falmalinnar imbë met, ar hísië

untúpa Calaciryo míri oialë.

Sí vanwa ná, Rómello vanwa, Valimar!

Namárië! Nai hiruvalyë Valimar.

Nail elyë hiryva. Namárië!